Durante esta semana pasada, e debido á proximidade do Samaín, o corredor das nosas aulas tivo uns habitantes do mais especial, e é que meigas, momias, monstros, morcegos, pantasmas e cabazas adornaron as paredes para ambientar as actividades que levamos a cabo ao longo destes días.
Ademáis das actividades didácticas sobre esta celebración que propón o noso método, estivemos a falar da festividade de "Todos os Santos" e sobre todo aproveitamos para traballar o tema dos medos.
Durante as asembleas da mañá estivemos a falar sobre esta emoción, insistindo en que aínda que non nos guste e sexa desagradable, non pasa nada por ter medo porque é algo natural; todo o mundo ten medo de algo por razóns coñecidas ou non. Falamos tamén de que hai medos de cousas reais, e medos a cousas que non existen como é o caso de todas esas figuras que tiñamos no corredor. Para quitarlle ferro ó asunto, puxemos nomes aos nosos veciños, e desde ese momento os nosos nenos e nenas saúdaban á momia Momi, o monstro Frankie e á bruxa Piruleta.
Ademáis de todo o traballado, tamén foi moi gratificante velos disfrutar e divertirse, e ilusionarse cos agasallos que os profes fixemos para eles.
Para que poidades compartir con nós estes momentos, deixámosvos aquí o enlace ás fotos que fixemos agardando que vos gusten.
Menudo reportaje y menudo trabajo !!!
ResponderEliminarQué suerte tienen nuestros niños con estas profes,
MUCHAS GRACIAS.